काठमाडौं। खेलमार्फत नेपाललाई विश्वमाझ चिनाउने दुई किशोरी लन्डनमा सम्मानित भएका छन् । रियो ओलम्पिक २०१६ मा सहभागी विश्वकै कान्छी ओलम्पियन पौडीकी गौरिका सिंह र विभिन्न अन्तर्राष्ट्रिय तेक्वान्दो प्रतियोगिताकी च्याम्पियन सियना लिम्बू लिङ्देनलाई नोआ आर्क स्पोर्टस् साइन्स तेक्वान्दो एकेडेमी र इन्टरनेसनल नेप्लिज तेक्वान्दो एकेडेमीले सम्मान गरेका हुन् ।
शनिबार नर्थहोल्ट पार्क सोसियल क्लबमा आयोजित एक समारोहबीच एनआरएनए यूके अध्यक्ष मुछेत्र गुरुङ, एकेडेमी अध्यक्ष एनजे गुरुङ, बुद्धिस्ट कम्युनिटी सेन्टर यूके अध्यक्ष नारायणप्रसाद गुरुङ, गोर्खा वेलफेयर सोसाइटी यूके अध्यक्ष कृष्णबहादुर राई, तमुधिं लन्डन अध्यक्ष डेभिड गुरुङलगायतले सम्मान गरे । सम्मान ग्रहणपछि दुवै किशोरीले आभार व्यक्त गर्दै यसले थप प्रेरणा मिल्ने बताए।