खर्चको अभावले सरिताको मृगौला प्रत्यारोपण हुन सकेन

काठमाडौं । ‘७ वर्ष भयो, डाक्टरले भनेको दुबै मृगौला फेल भएको छरे । उपचार गर्दागर्दै ऋणधन गरेर जम्मा पारेको पैसा पनि रित्तियो । तर सन्चो भएको छैन । सहयोग पाँए मेरो जीवन बाँच्ने थिएकि ।’

दुबै मृगौला खराबी भएर जीवन र मोरणको दोसाधमा रहेकी लमजुङको मस्र्याङ्दी गाउँपालिका, ९ सिम्पानी टारगाउँकी मृगौला पीडित सरिता बरालले महिला खबरसँग खबरसँग दुःखेसो पोखिन् । उपचारमा २० लाख भन्दा बढि खर्च गरिसकेको उनले बताइन् ।

सरकारले मृगौला पीडितका लागि डायलिसिस निशुल्क गरिदिएपनि महङ्गो औषधी किन्नुपर्ने र राजधानी धाउदा र खाना बस्दामै सरा पैसा सकिएको सरिताका श्रीमान इन्द्र बरालले बताए । उनका अनुसार हप्तामै पाँच हजार भन्दा बढि खर्च हुने भएकाले नियमित डायलिसिस गर्न समेत समस्या भएको छ ।

यसभन्दा पहिलो उनले श्रीमतीको डायलसिस काठमाडौं वीर अस्पतालमा गर्ने गरेपनि अहिले भने तनहुँ दमौलीमा गर्ने गरेको उनले बताए  ।
सरितालाई ससुरा तेजबहादुर खत्रीले मृगौला दिने सल्लाह भएपनि पैसा नभएकाले प्रत्यारोपण गर्न नसकेको उनले बताए । ‘ससुरा बुबाले मृगौला दिने भन्नुभएको छ, तर पैसा छैन । पैसा नभई कसरी मृगौला फेर्ने रु’ इन्द्रले भने ।

मृगौँला प्रत्यारोपण गर्न अस्पतालले १० देखि १२ लाख रुपैँया सम्म खर्च हुने बताएको छ । उनले श्रीमतिको मृगौला प्रत्यारोपणका लागि सहयोग गरिदिन सबैसँग आग्रह गरेका छन् । ‘सहयोग गर्ने कोही भेटिए, मेरो श्रीमतिले अर्को जीवन पाउनेथियो ।’ इन्द्रले भने । उनीहरुका १० वर्षका एक छोरा छन् ।

उहाँलाई सहयोग गर्न चाहनुहुने महानुभावहरुले इन्द्रको ग्लोबल आइएमई बैंक बेसिशहर शाखामा रहेको खाता नम्बर ९५०७०१०००१३५२ मा रकम जम्मा गर्न सक्नुहुनेछ । महिला खबर