ओमिक्रोनकनको नयाँ सब -भेरियन्ट जेएन. १ नेपालमा पहिलो पटक सङ्क्रमणको पुष्टि

पुस २४, काठमाडौं ।  नेपालमा पनि पहिलो ओमिक्रोनको नयाँ सब -भेरियन्ट जेएन .१ पुष्टि भएको छ ।  यो नयाँ भेरियन्ट जिनोम सिक्वेन्सिङ प्रविधिबाट जेएन .१ को संङ्क्रमण पुष्टि भएको स्वास्थ्य मन्त्रालयले जनाएको छ । 

देशका विभिन्न भागहरुबाट विभिन्न उमेर समूहबाट सङ्कलित १६ वटा पीसीआर तथा एनिजेन पोजेटिभ नमूनाहरुको राष्ट्रिय स्वास्थ्य प्रयोगशाल पुस २२ मा गरिएको  पछिल्लो जिनोम सिक्वेन्सिङ प्रविधिबाट ७ वटा नमुनाबाट यो नयाँ भेरियन्ट भेटिएको प्रवक्ता  डा.प्रकाश बुढाथोकीले बताए । 

भारतमा पनि सङ्क्रमण देखिएको हुनाले मन्त्रालयले आवश्यक निगरानी  एवं सम्बन्धित देशहरुसँग समन्वय गरिरहेको छ ।

सङ्क्रमण र सङ्क्रमणको फैलावट रोकथाम गर्नका लागि हामी सबै जनस्वास्थ्यको मापदण्डहरू ( भिडभाडमा नजान, भौतिक दुरी कायम गर्न, मास्कको प्रयोग गर्न, र साबुन पानीले हात धुन) अनिवार्य रूपमा पालना गर्न गराउन स्वास्थ्य तथा जनसङ्ख्या मन्त्रालयले सबैमा अपिल गरेको छ ।