अग्निपीडितलाई आमा समूहले बाँडे राहत

बेसीशहर। साउन ७ गते रातीको १२ बजे अकस्मात आगलागी हुँदा क्षति भएका ३ ओटा पसलका अग्निपीडितहरुलाई राहत स्वरुप आर्थिक रकम सहयोग गरिएको छ । बेसीशहर नगरपालिका वडा नं। ७ हाइस्कुल चोकको एउटा घरमा मध्यरात आगलागी हुँदा ३ वटा पसल पूर्ण रुपमा क्षति भएका थिए ।

तत्कालका लागि स्थानीय जनचेतना आमा समुहको नेतृत्वमा हाइस्कुल चोक र मनाङे चौतारा टोल बासीको सक्रीयतामा सहयोग रकम संकलन गरी पिडितहरुलाई हस्तान्तरण गरीएको छ । जनचेतना आमा समूहको नेतृत्वमा संकलन भएको १ लाख २३ हजार ८ सय ४० रुपैयाँ रकम मंगलबार एक कार्यक्रमकाबीच पीडितहरुलाई हस्तान्तरण गरिएको छ ।

संकलीत रकमलाई क्षतीको आधारमा सहयोग गरीएको स्थानीय बलराम खत्रीले बताए । उनका अनुसार बिना अधिकारी र रामबहादुर विकलाई ५४र५४ हजार रुपैयाँ र कृष्ण कुमारीलाई १५ हजार रुपैयाँको दरले सहयोग गरीएको छ । जनचेतना आमा समुहको अध्यक्ष मीना रावलको अध्यक्षतामा एक कार्यक्रमको आयोजना गरी पिडितहरुलाई सहयोग रकम हस्तान्तरण गरीएको थियो । दुख बिपद् पर्दा सहयोग गर्नुपर्छ भन्ने उद्देश्यले सहयोग रकम संकलन गरेको अध्यक्ष रावलले बताए । 
 

त्यसैगरी, लमजुङ उद्योग वाणिज्य संघको महिला उद्यमी समुहले पीडितहरुलाई सहयोग गरेको छ । महिला उद्यमी समुहको नेतृत्वमा संकलन भएको ५३ हजार रुपैयाँ रकम पनि बिना अधिकारी र राम बहादुर विकलाई एकमुष्ट २१ हजार ५ सय र कृष्णकुमारी बिक लाई १० हजार रुपैयाँ सहयोग गरिएको अध्यक्ष इन्दु न्यौपानेले बताइन् ।  नयाँ पत्रिका