पुस ७, काठमाडौं । “युवासँग महालक्ष्मी लाईफ”को सफलतापछि महालक्ष्मी लाईफ इन्स्योरेन्स लिमिटेडले “महिला सशक्तिकरणमा महालक्ष्मी लाईफ” कार्यक्रम सुरु गरेको छ । कम्पनीका अध्यक्ष मनोरञ्जन रमण शर्माले पौष ४ गते चितवनको सौराहा स्थित होटल सेभेन स्टारमा आयोजित समारोहमा पानसमा बत्ति बालेर उक्त कार्यक्रमको समुदघाटन गर्नु भएको हो । कार्यक्रममा देशभरीका शाखा र उपशाखा प्रमुख र
अधिकृत गरी ७५ जना उपस्थिति थिए ।
कार्यक्रममा महालक्ष्मी लाईफ इन्स्योरेन्स लिमिटेडका अध्यक्ष मनोरञ्जन रमण शर्माले उदघाटन मन्तव्यमा कम्पनीले आफ्नो संस्थागत सामाजिक उत्तरदायीत्व अन्तर्गत महिला सशक्तिकरणको लागि कार्यक्रम संचालन गर्न लागेको बताए । उनले समाजमा पिछडिएका तथा आर्थिक रुपमा कमजोर रहेका महिलाको उत्थान नभई समाज र देशको उन्नति नहुने भएकोले उनीहरुलाई अगाडी बढाउन यस्ता कार्यक्रम फलदायी हुने विश्वास व्यक्त गरेका छन् ।
कम्पनीका प्रमुख कार्यकारी अधिकृत रमेश कुमार भट्टराईले “महिला सशक्तिकरणमा महालक्ष्मी लाईफ” कार्यक्रमको विस्तृत अवधारणा र महिला सशक्तिकरणमा कार्यक्रमले पार्ने प्रभावको बारेमा जानकारी दिएका थिए । उनले भने, देशमा महिलाको जनसंख्या पुरुषको दाजोमा धेरै भएपनि उनीहरुलाई सक्षम र आर्थिक रुपमा सवल नवनाई देश अघि बढ्न सक्दैन। महिलाहरुलाई तालिम दिई रोजगारी मार्फत आय आर्जनको बाटोमा अग्रसर गराउन यो कार्यक्रम उपयोगी र फलदायी हुने भट्टराईको ठहर छ ।
कार्यक्रम आर्थिक वर्ष २०७९ र ८० भित्र परिक्षणको रुपमा संचालन हुनेछ । पहिलो चरणमा यो कार्यक्रम ३० जिल्लामा संचालन हुनेछ । । ६० जना महिलालाई प्रत्यक्ष रोजगारी र ३ हजारभन्दा बढीलाई अप्रत्यक्ष रोजगारी दिने कार्यक्रमको लक्ष्य छ ।