बस र मोटरसाइकल ठोक्किँदा सिन्धुलीमा एक महिलाको मृत्यु

पुस ९,काठमाडौं  । वीपी राजमार्ग अन्तर्गत सिन्धुलीको सुनकोशी गाउँपालिका–३ बोहोरेटारमा बस र मोटरसाइकल ठोक्किँदा दुई जनाको मृत्यु भएको छ ।

बा. प्र. ०१–००६ ख ४५९३ नम्बरको बस र विपरीत दिशामा रहेको बा ६० प ३५४५ नम्बरको मोटरसाइकल सोमबार बिहान ८:१५ बजे ठोक्किँदा मोटरसाइकलमा सवार दुई जनाको मृत्यु भएको छ।

मोटरसाइकल चालक रामेछापको मन्थली नगरपालिका–१३ बस्ने २४ वर्षीय रुपेश अधिकारी र खोटाङको दिक्तेल नगरपालिका–१० बस्ने १८ वर्षीया मुनाकला राईको मृत्यु भएको   जिल्ला प्रहरी कार्यालय सिन्धुलीका प्रवक्ता चिरन्जीवी दाहालले बताए।

इलाका प्रहरी कार्यालय खुर्कोटले बस र चालकलाई नियन्त्रणमा लिएको बताएको छ  ।