पोखराका महिला उद्यमीलाई कर शिक्षा

पोखरा । पोखरा उद्योग वाणिज्य संघले आफ्ना महिला सदस्यहरुको लागि कर शिक्षा तालिम दिएको छ । पोखरा उद्योग वाणिज्य संघ,महिला उद्यमी विकास उपसमितिको आयोजना,आन्तरिक राजश्व कार्यालयको सहयोगमा महिला उद्यमशिललाई जोड दिन कार्यक्रम आयोजना गरिएको हो । पोखरामा विभिन्न पेशा्व्यवसाय गरेका महिला उद्यमीहरुलाई करको बारे जानकारी दिन र व्यवसायप्रति आर्कषण वढाउन कार्यक्रम आयोजना गरिएको पोखरा उद्योग वाणिज्य संघका अध्यक्ष विश्वशंकर पालिखेले जानकारी दिए ।

कार्यक्रममा कर सम्बन्धी जानकारीका साथै आयकर, मूल्यअभिवृद्धि कर, अन्तःशुल्क, शिक्षा सेवा शुल्क,स्वास्थ्य सेवा कर, अग्रिम कर कट्टी,मिसम्याच, कर परिक्षण, करदाताका अधिकार र कर्तव्यको बारेमा जानकारी दिनुका साथै कर्तव्य, आर्थिक विधेयक २०७४र०७५ मा भएका संशोधनहरुबारे समेत चर्चा गरिएको थियो । 

कार्यक्रममा बोल्दै पोखरा उद्योग वाणिज्य संघका अध्यक्ष पालिखेले ढिलै भएपनि महिला उद्यमीहरुलाई लक्षित गरी कर शिक्षा कार्यक्रम आयोजना गरिएकोमा खुसी व्यक्त गरे । करको दायित्वबारे सबै व्यवसायी जानकार भएपनि नियमत भुक्तानी प्रक्रियाबारे जानकारी नहुँदा कर ठूलो विषय बन्न पुगेको उनको भनाई थियो । 

कार्यक्रममा कार्यपत्र प्रस्तुत गर्दै आन्तरिक राजश्व कार्यालय पोखराका कर अधिकृत विजयप्रसाद लामिछानेले नेपालको कर प्रणाली स्वेच्छिक भएकोले करदाताहरुलाई स्वेच्छिक कर सहभागिताको लागि प्रोत्साहित गरिएको प्रष्ट पारे । स्वेच्छिक रुपले कर तिर्न प्रोत्साहन गरिएकोले नै कर नतिर्दाको डण्ड जरिवाना बढी हुने गरेको उनको भनाई थियो । उनले प्रत्यक्ष कर र अप्रत्यक्ष करबारे व्यवसायीहरुले थोरै मात्र जानकारी राख्ने र आफ्नो आय–व्यय विवरण चुस्त दुरुस्त राख्न सके डण्ड र जरिवानाको मारबाट बच्न मद्धत गर्ने जानकारी दिए । नयाँ पत्रिका