पहिरोपीडित बालबालिकालाई पठनपाठनको व्यवस्था

वेब तस्विर

भदौ २, रसुवा । बस्तीमा पहिरो गएपछि विस्थापित भएका बालबालिकाको पठनपाठन सुचारु गराइएको छ । 

 

उत्तरगया गाउँपालिकाका अध्यक्ष उपेन्द्रराज लम्सालका अनुसार आफ्नो गाउँपालिका क्षेत्रको पहिरोबेँसीमा गत साउन २२ गते पहिरोका कारण विस्थापित भएका १२१ घर परिवारलाई माथिल्लो त्रिशूली ‘थ्रि ए’को कोलोनीभित्र बसोबास गराई अस्थायीरुपको भएपनि सोही कोलोनीभित्र सबै बालबालिकालाई पठनपाठनको व्यवस्था गरिएको छ । 

 

भविष्यका कर्णधार बालबालिकालाई पठनपाठनका साथै सामाजिक संघसंस्थाको सहयोगमा खाद्यान्नलगायत लत्ताकपडा, भाँडाकुँडासमेतको व्यवस्था मिलाइएको बताइएको छ । 

 

बाढीपहिरोका कारण उत्तरगया गापाभित्रका सडक, खानेपानी, सिँचाइ, कुलो, कल्भर्ट, झोलुंगेपुलसमेतका संरचनामा क्षति पुर्‍याउँदा १० करोडभन्दा बढीको नोक्सान भएको र बतेगौडा सिँचाइ कुलोमा क्षति हुँदा सयौँ हेक्टर जमिनलाई सिँचाइको समस्या परेको अध्यक्ष लम्सालले बताए। रासस 

---