पुष १७, काठमाडौं । आज कुमारी बैंक लि. र नेपाल क्रेडिट एण्ड कर्मस बैंक लि. बिच मर्जर संयुक्त रुपमा सम्पन्न भएको छ । कुमारी बैंक र एनसीसी बैंकको एकीकृत कारोबार आज पुस १७ गतेबाट सुरु भएको छ।
कुमारी बैंकका अध्यक्ष अमिर प्रताप राणाले अब कुमारी बैंकलाई मुलुकै नम्बर १ वाणिज्य बैंक बनाउने लक्ष्य रहेको बताएका छन्।
मर्जरपछि कुमारी र एनसीसी बैंकको आजबाट एकीकृत वित्तीय कारोबार शुभारम्भ भएको घोषणा कार्यक्रममा अध्यक्ष राणाले लक्ष्य राखिएको जानकारी गराएका हुन्। ‘अबको ३–४ वर्षमा हामी मुलुककै नम्बर १ वाणिज्य बैंक बन्न सक्छौँ’, उनले भने।