आज सुनको मूल्यमा सामान्य वृद्वि

पुस २७, काठमाण्डौं । नेपाली बजारमा  सुनको भाउ आज सुक्रबार प्रतितोला ३०० रुपैयाँले  बढेको छ ।

नेपाल सुनचाँदी व्यवसायी महासंघका अनुसार यो दिन  आज छापावाल सुनको मूल्य तोलामा १ लाख १८ हजार ६०० रुपैयाँ र तेजाबी सुनको मूल्य तोलामा १ लाख १८ हजार ५० रुपैयाँमा कारोबार भइरहेको छ ।

हिजो नेपाली बजारमा छापावाल सुनको मूल्य प्रतितोला १ लाख १८ हजार ३०० रुपैयाँ र तेजाबी सुनको मूल्य तोलामा १ लाख १७ हजार ७५० रुपैयाँमा कारोबार भएको थियो ।

यसैगरी, यो दिन चाँदीको मूल्य भने घटेको छ । आज चाँदी १ हजार ४०० रुपैयाँमा कारोबार भइरहेको छ ।

यो दिन अन्तरराष्ट्रिय बजारमा भने सुनको भाउ बढेको छ । बिहीबार अन्तरराष्ट्रिय बजारमा सुनको भाउ प्रतिऔंंस २ हजार ३५.२७ डलरमा कारोबार भइरहेको  छ।