नवजात शिशुको शव यूएईबाट आएको जहाजमा फेला

पुस ५, काठमाडौं । संयुक्त अरब इमिरेट्स (यूएई)को शारजाहबाट काठमाडौँ आएको विमानको शौचालयमा नवजात शिशुको शव फेला परेको छ । 

त्रिभुवन अन्तर्राष्ट्रिय विमानस्थलमाबुधवार बिहान ९ बजे अवतरण भएको जहाजको शौचालयमा नवजात शिशुको शव फेला परेको त्रिभुवन विमानस्थल, नागरिक उड्डयन प्राधिकरणका प्रवक्ता सुवास बताए । 

नवजात शिशु बालिका भएको र यो के कारणले यस्तो भएको हो भन्नेबारे अनुसन्धान भइरहेको जनाइएको छ । घटनाको प्रकृति हेर्दा ‘मिसक्यारेज’ भएको जस्तो देखिएको र सोही विमानमा आएकी एक महिला अस्वस्थ छिन् । यी अस्वस्थ महिलालाई परिक्षणको लागि अस्पताल पठाइएको छ ।