उदयपुरमा बेटी सम्मेलन हुने

पुस १७, ललितपुर । लैंगिक समानता र समावेशी अधिकारको लागि आउँदो माघमा ‘बेटी सम्मेलन हुने भएको छ । उदयपुरको गाइघाटमा माघको १८ गतेदेखि ३ दिनसम्म मुलधार महिला सेवा केन्द्रले बेटी सम्मेलन गर्न लागेको हो । केन्द्रकी अध्यक्ष नजबुल खानका अनुसार देशका सातवटै प्रदेशमा प्रदेश स्तरीय सम्मेलन सम्पन्न गरेर उदयपुरमा राष्ट्रिय सम्मेलन गरिनेछ ।

उनले सम्मेलनको प्रदेश स्तरीय सम्मेलन सुरु भइसकेको पनि जानकारी दिइन् । प्रदेश नम्बर १ मा पुस १३ गते सम्मेलन भएको उनले बताइन् । ‘प्रदेश १ का ९३ जना महिलाहरुको सहभागितामा सम्मेलन भयो ।’ उनले भनिन्, – महिलाका लागि सेनिटरी प्याड निःशुल्क हुनुपर्ने, सातै प्रदेशमा महिला अंकित स्तम्भ बनाउनुपर्ने लगायतका चार बुँदे घोषणापत्र पनि जारी गरिएको छ ।’ उनका अनुसार ‘आसनमा महिला, भाषणमा महिला र शासनमा महिला’ सम्मेलनको मुख्य उद्देश्य रहेको छ । यहि पुसको २४ गते प्रदेश नम्बर २ मा पनि सम्मेलन हुने उनले बताइन् । अध्यक्ष खानले जनाए अनुसार सम्मेलनमा १५ देखि ३५ वर्षका महिलाको सहभागिता हुनेछ । महिला खबर