चैत ९, काठमाडौं । पूर्वमन्त्री तथा नेकपा माओवादी केन्द्रकी नेतृ रेखा शर्मालाई मातृशोक परेको छ । शर्माकी आमा पार्वती पौडेलको सोमबार ७४ वर्षको उमेरमा निधन भएको हो । लामो समयदेखि राजधानीको मेडिसिटी अस्पतालमा उपचाररत उनको अवस्था अत्यन्तै गम्भीर भएपछि सोमबार दाङ लगिएको थियो ।
दाङको घोराहीस्थित घरमा लगिएको केही घण्टामै उनको निधन भएको नेकपा माओवादी केन्द्रकी नेतृ नारायणी शर्माले जानकारी दिइन् ।
पार्वतीमा निमोनिया, मिगौलालगायतको समस्या रहेको थियो । स्वर्गीय पौडेलको रेखा शर्मासहित ४ छोरी र एक छोरा रहेका छन् । उनकै दाङमै सोमबार अन्तिम संस्कार गरिएको छ ।