बलात्कार विरुद्ध पाँच हप्ते नीति संवाद सुरु

फागुन २४, काठमाडौं । अन्तराष्ट्रिय महिला दिवसको अवसरमा बढ्दो बलात्कार विरुद्ध पाँच हप्ते नीति संवाद सुरु भएको छ ।​ सर्वाङ्गीण अध्ययन विकास केन्द्र र त्रिभुवन विश्वविद्यालय अन्तर्गतको लैंगिक अध्ययन विभागको समन्वयमा नेपालमा पहिलो पटक आइतबारबाट उक्त संवाद सुरु भएको हो । 

सर्वाङ्गीण अध्ययन विकास केन्द्रकी निर्देशक सुचिता प्याकुरेलका अनुसार विभिन्न पेसमा आबद्ध रहेका २० जना प्रोफेसरको कार्यक्रममा सहभागिता रहने छ । विभिन्न पेसमा आबद्ध रहेका प्रोफेसरको नियमति समयलाई मध्यनजर गरी साँझ पाँच बजेटदेखि ८ बजेसम्म कार्यक्रम गरिने भएको छ  । हरेक दिन सोमबारदेखि शुक्रबारसम्म पाँच हप्तासम्म कार्यक्रम हुनेछ ।

२० जना प्रोफेसर मध्ये आजको कार्यक्रममा पाँच जना प्रोफेसरको सहभागिता रहेको प्याकुरेलले बताइन् ।

उनले भनिन्, 'छलफलमा बलात्कार किन भइरहेको छ रु  यसरी किन बढिरहेको छ रु दुई वर्षयता झन बढ्नुको करण के हो रु किन बढिरहेको छ भन्ने कुराबारे संवाद भएको थियो । कुनै नीतिमा पनि ग्याप छ कि भन्नेबारे नीति संवाद गरिएको छ ।'

उनका अनुसार स्वास्थ्य मन्त्रालयका पूर्व सचिव डा। सुधा शर्मा, महिला हिंसा विरुद्धको अभियन्ता निरा ढुंगाना, अवकाश प्राप्त एसपी गीता उप्रेती, प्रहरीको महिला तथा बालबालिका सेवा केन्द्र छिरिङ के लामा युवा प्रकृति भट्टराई बस्नेत नीति संवादमा सहभागी थिए ।

बलात्कार पीडितले कुरा लुकाउने, मेडिकल रिपोर्टका लागि प्रमाण नस्ट गरिदिने समस्या देखिएको उनीहरूको भनाइ थियो । यस विषयमा पीडित नै संवेदनशील नहुँदा घटना बढिरहेको वक्ताहरूको निष्कर्ष छ ।