मंसिर २१, काठमाडौं । सुत्केरी हुनका लागि स्वास्थ्य चौकी हिँडेकी बाजुराकी एक महिलाले स्वास्थ्य संस्था पुग्न नसक्दा बाटोमा नै बच्चा जन्माएकी छन्।
सुत्केरी व्यथा लागेर स्वास्थ्य संस्था हिँडेकी बाजुराको बुढिनन्दा नगरपालिका ४ की ३१ वर्षीया पानसरा रोकायाले हिँडेर स्वास्थ्य संस्था पुग्न नसक्दा बाटोमा नै बच्चा जन्माएकी अहेव धर्मा चँदाराले स्वास्थ्यखबरलाई बताइन्।
महिला सुत्केरी हुनका लागि बिहान ७ बजे स्वास्थ्य संस्थातर्फ हिँडेकी ती स्वास्थ्य संस्थामा पुग्न नसकी व्यथाले च्यापेका कारण बाटोमा नै बसेकी र आफ्नो सहयोगमा उनले बाटोमा नै बच्चा जन्माएकी अहेव चँदारा बताउँछिन्। हाल आमा बच्चा दुवै खतरामुक्त रहेका छन् उनले भनिन्।
त्यतिबेला महिलालाई एकदमै रक्तस्राव भएपनि हाल भने उनीखतरामुक्त छन्।आफू ९:५० बजे ती महिला भएको स्थानमा पुग्दा व्यथाले च्यापेकी उनी घोप्टिएको अवस्थामा फेला पारेको उनले बताइन्।