कार्तिक २७, काठष्माडौं , सशस्त्र द्वन्द्वको क्रममा बेपत्ता भएकाको श्रीमतीहरुलाई मासिक दुई हजार रुपैयाँ जीवन निर्वाह भत्ता दिँदै आएको छ
राजापुर नगरपालिका भित्रका विभिन्न वडाका वडाबाट ३४ जना बेपत्ता भएका र अर्को विवाह नगरेका १६ जना महिलालाई पालिकाले मासिक दुई हजार रुपैयाँ जीवन निर्वाह भत्ता दिँदै आएको छ । नगरपालिकाले जीवन निर्वाह भत्ता कार्यविधि २०७९ निर्माण गरी भत्ता दिएको नगरपालिकाले जनाएको छ ।
राजापुर नगरपालिकाका प्रमुख प्रशासकीय अधिकृत महेन्द्रजङ्ग शाहीले बेपत्ता परिवारको मासिक जिविकोपार्जन भत्ताको लागि १० लाख रुपैयाँ बजेट छुट्टाइएको जानकारी दिए ।
उनले यस वर्ष २०८०र०८१ को नीति तथा कार्यक्रममा बिमा बापत सात लाख, शहीद तथा बेपत्ता परिवारको लागि ३५ लाख रुपैँया छुट्याईएको बताए । गत आर्थिक वर्षमा २०७९र०८० मा ३५ लाख रुपैयाँ रकमबाट २० जनालाई दुई दुई वटाको दरले पाडी र १५ जनालाई पाँच वटा बाख्रा र प्रतिपरिवार एक गोठ उपलब्ध गराएको छ।
राजापुर नगरपालिकाकी उपप्रमुख मनकला चौधरीले श्रीमान् बेपत्ता भएका महिलाहरूले विधवा भत्ता नपाउने भएकोले पालिकाले ‘जीवन निर्वाह भत्ता कार्यविधि २०७९’ निर्माण गरेर भत्ता दिइएको जानकारी दिइन् ।
राजापुर नगरपालिकामा शहीद तथा बेपत्ता परिवारको संख्या एक सय सात रहेको छ । जसमा शहीद ७३ जना र बेपत्ता ३४ जना रहेका छन् ।