कार्तिक १७, काठमाडौं ।किशोरीको शव गुल्मीको चन्द्रकोट गाउँपालिका वडा नम्बर ४ हुग्दी खोला किनारमा नग्न अवस्थामा फेला परेको छ ।
जिल्ला प्रहरी कार्यालय गुल्मीका प्रहरी उपरीक्षक (डिएसपी) डिल्लीनारायण पाण्डेका अनुसार चन्द्रकोट–५ निवासी १५ वर्षीया मनिषा रुचालको शव फेला परेको हो । उनी कक्षा ९ मा अध्ययनरत थिइन् ।
खेतमा काम गरिरहेकाहरुलाई हिजो दिउँसो ११ बजेतिर सुर्ति किनिदिन भन्दै मनिषा पसल गएकी थिइन् । उनी धेरै बेरसम्म पनि घर नफर्किएपछि खोजी गर्ने क्रममा उनी शुक्रबार बिहान मृत फेला परेकी हुन् ।
अनुसन्धानका लागि जिल्ला प्रहरी कार्यालय गुल्मीबाट एसपी नवीन किशोर प्रधानसहितको टोली घटनास्थल प्रस्थान गरेको छ । घटनाको विस्तृत विवरण यो अनुसन्धान टोली पुगेपछि मात्रै आउने छ ।