चैत २०, काठमाडौं । अख्तियार दुरुपयोग अनुसन्धान आयोगकी पहिलो महिला आयुक्त डा.सावित्री गुरुङको बुधवार टंगालस्थित आयोगको केन्द्रिय कार्यालयमा आयोजित समारोहमा विदाई गरिएको छ ।
अख्तियारमा पहिलो महिला आयुक्तको रुपमा २०७१ साल चैत १९ मा नियुक्त भएकी गुरुङ ६ वर्षे कार्यकाल पुरा गरेर अवकाश पाएकी हुन् । उनले ६ वर्षे कार्यकाल पुरा गरेर अवकाशमा जाने पहिलो आयुक्तको रेकर्ड समेत बनाएकी छिन् । दोस्रो जनआन्दोलनपछि नियुक्त भएका कसैले पनि ६ वर्षको कार्यकाल पुरा गरेका थिएनन् ।
गुरुङको अवकाशसँगै आयोगमा २ आयुक्तको पद खाली भएको छ ।