लन्डन म्याराथनमा सन्तोषीको राष्ट्रिय कीर्तिमान

वैशाख १५ काठमाडौं । १३औँ दक्षिण एसियाली खेलकुद (साग)की स्वर्ण पदक विजेता सन्तोषी श्रेष्ठले विश्वचर्चित लन्डन म्याराथनमा राष्ट्रिय कीर्तिमान बनाएकी छिन् । सन्तोषीले आइतबार आफ्नै व्यक्तिगत रेकर्ड भंग गरेकी हुन् ।

लन्डन म्याराथन दौड पूरा गर्न उनले दुई घण्टा ४२ मिनेट ५० सेकेन्ड लाइन् । यसपटक उनले निर्धारित दूरी तीन मिनेट ३६ सेकेन्डअगाडि पूरा गरी नयाँ राष्ट्रिय कीर्तिमान कायम गरेकी हुन् । नेपाल युके रनको पहलमा सन्तोषीले लन्डन म्याराथनमा भाग लिएकी हुन्‌ ।

सन्तोषीले दुई वर्षअघि बंगलादेशको बंगबन्धु म्याराथनमा राष्ट्रिय कीर्तिमान राखेकी थिइन् । बंगलादेशमा डेब्यु गरेको स्पर्धामै उनले दुई घण्टा ४६ मिनेट २६ सेकेन्डको समयका साथ राष्ट्रिय कीर्तिमान राखेकी थिइन् । सन् २०१९ मा काठमाडौंमा भएको १३औँ सागमा उनले स्वर्ण पदक जितेकी थिइन् ।

मध्यम दूरीबाट अन्तर्राष्ट्रिय यात्रा सुरु गरेकी सन्तोषीले १३औँ सागपछि घरेलु सबै प्रतियोगितामा स्वर्ण पदक जित्दै आएकी छिन् । सन्तोषीले गत वर्ष फ्रान्समा भएको पेरिस ओलम्पिकको म्याराथनमा समेत सहभागिता जनाएकी थिइन् ।